Samtökum um kynheilbrigði var boðið að koma að frumsýningu á kvikmyndinni Impure þann 5. mars sem CLF samtökin á Íslandi stóðu fyrir. Myndin fjallar um fyrstu blæðingar hjá unglingsstúlku í Úganda, líðan hennar og viðbrögð umhverfisins. Eftir sýningu myndarinnar tóku fjórir einstaklingar þátt í pallborðsumræðum. Það voru Eunice Ruwa, aðalleikona Impure, Rico Herre, leikstjóri Impure, Rosette Nkurunziza, forstjóri CLF í Úganda og Sóley S. Bender, formaður Samtaka um kynheilbrigði.
