Saga samtakanna
Samtök um kynheilbrigði (KynHeil), sem áður hétu Fræðslusamtök um kynlíf og barneignir (FKB), voru stofnuð 28. september árið 1992. Á stofnfundinum var Hanne Risør, formaður dönsku samtakanna um fjölskylduáætlun, fulltrúi Alþjóðasamtaka um fjölskylduáætlun (IPPF).
Samtökin hafa frá upphafi byggst á þverfræðilegu samstarfi og hefur rík áhersla verið lögð á samstarf við aðrar stofnanir og félagasamtök. Samtökin hafa unnið að bættri fræðslu og ráðgjöf um kynheilbrigði með ýmsum verkefnum. Á árunum 1995-2000 voru samtökin með starfsemi í Hinu húsinu þar sem ungt fólk gat leitað og fengið einstaklingsviðtal um kynlíf, getnaðarvarnir og barneignir. Frá árinu 1995 voru gefin út fréttabréf samtakanna. Samtökin fengu fulla aðild að IPPF árið 1998. Margir fræðslufundir voru haldnir um neyðarpilluna fyrir heilbrigðisstarfsfólk á vegum samtakanna og leiddi átakið til þess að neyðarpillan var gerð aðgengileg í apótekum án lyfseðils árið 2000. Samtökin gáfu út heildstætt kynfræðsluefni fyrir framhaldsskóla árið 2011 og er það eina efni sinnar tegundar hér á landi. Á tímabili var takmörkuð starfsemi af hálfu samtakanna. Voru þau endurreist á aðalfundi árið 2021 þar sem endurskoðuð lög og starfsáætlun voru samþykkt. Jafnframt var samþykkt að breyta heiti samtakanna og munu þau framvegis heita Kynheilbrigði.
Stjórn samtakanna
Sóley S. Bender
Sóley er sérfræðingur í kynheilbrigði og starfar sem prófessor emerita við Hjúkrunarfræðideild Háskóla Íslands. Hún hefur þróað kennslu um kynheilbrigði á háskólastigi. Hún hefur stýrt mörgum rannsóknarverkefnum á sviði kynheilbrigðis og skrifað ótal fræðigreinar og bókarkafla um kynheilbrigðismál. Auk þess hefur hún samið kynfræðslunámsefni fyrir ýmis skólastig.
Helga Sigfúsdóttir
Helga stundaði nám við Háskóla Akureyrar þar sem hún útskrifaðist með B.A. gráðu í sálfræði vorið 2016. Síðar lauk hún diplómanámi í kynfræði frá Háskóla Íslands árið 2020. Í febrúar 2023 kláraði hún meistaranám í heilbrigðisvísindum með áherslu á kynheilbrigði við Háskóla Íslands. Hún er doktorsnemi við Hjúkrunar- og ljósmóðurfræðideild við Háskóla Íslands.
Sigurður Ýmir Sigurjónsson
Sigurður Ýmir er hjúkrunarfræðingur og starfar sem teymisstjóri í Geðheilsuteymi ADHD fullorðinna hjá Heilsugæslu höfuðborgarsvæðisins. Sigurður er einnig stundakennari í heilbrigðisvísindum og ráðgefandi hjúkrunarfræðingur hjá Samtökunum ’78. Hann stundar nú diplómanám í opinberri stjórnsýslu fyrir stjórnendur í heilbrigðisþjónustu.
Berit Mueller
Berit lauk diplómanám í kynfræði frá Háskóla Íslands árið 2016. Hún er vottaður heildrænn kynfræðari frá Institute of Sexuality Education & Enlightenment (ISEE) og kennir frjósemisráðgjöf eftir Sensiplan© aðferðinni. Síðan 2023 hefur hún einnig setið í stjórn Kynís.
Katrín María Ólafsdóttir
Katrín María er klínískur læknanemi við Háskóla Íslands. Hún hefur setið í stjórn Ástráðs, kynfræðslufélags læknanema, meðfram náminu og gegn þar stöðu formanns, varaformanns og markaðsstjóra. Ástráður sinnir kynfræðslu á jafningjagrundvelli í framhalds- og grunnskólum.