Sambönd
Sambönd geta tekið á sig mismunandi myndir. Fólk getur verið í gagnkynja samböndum með einstaklingi af öðru kyni, samkynja samböndum með einstaklingi af sama kyni, eða verið í sambandi með mörgum/við marga á sama tíma (fjölástir= polyamory).
Fjölástir er ekki það sama og framhjáhald. Þegar fólk er í fjölásta samböndum þá á það í upplýstum og meðvituðum ástarsamböndum við fleiri en einn aðila í einu. Bæði geta verið fleiri en tveir í einu sambandi, en einnig getur sami einstaklingur átt í mörgum mismunandi samböndum á sama tíma. Í fjölásta samböndum er gerður samningur um hvaða reglur gilda og samskipti eru opin þar sem öll vita hvað er í gangi í sambandinu/samböndunum. Framhjáhald í fjölásta samböndum er því brot á þeim samningi sem gerður var á milli allra aðila.
Staðfest samvist á milli samkynja para var samþykkt árið 1996, en hjúskaparlögum var svo breytt árið 2010 og frá því hafa samkynja pör getað gift sig að kristnum sið, hafi þau áhuga á því. Á Íslandi geta ekki fleiri en tveir gengið í hjónaband saman.
Sjá frekari upplýsingar:
- Hjúskaparlög nr. 31/1993
- Sjúk ást – Heimasíða um heilbrigð sambönd
- Embætti landlæknis – Upplýsingar um heilbrigð sambönd
- Vefsvæðið Áttavitinn er upplýsingagátt fyrir ungt fólk, rekið af Hinu húsinu. Vefsíða þeirra um hinsegin sambönd og kynlíf, hér , og um algeng vandamálum í samböndum, hér.
- Planned parenthood – Upplýsingar á ensku um sambönd