Orsök
Veiran Hepatitis B veldur sýkingunni.
Smitleiðir
Smitast við snertingu slímhúða við kynmök, munnmök og endaþarmsmök ef smokkur eða töfrateppi er ekki notað. Einnig við blóðblöndun og með óhreinum nálum og áhöldum. Barn getur smitast í fæðingu ef móðir er smitandi.
Einkenni
Almennur slappleiki, ógleði, rauðbrúnt þvag og ljósar hægðir. Ef bráð lifrarbólga þá eru kviðverkir og húðin verður gul. Getur verið einkennalaus og greinist þá fyrir tilviljun.
Fylgikvillar
Bráð lifrarbólga getur leitt til dauða. Viðvarandi lifrarbólga getur þróast í skorpulifur eða krabbamein í lifur.
Greining
Blóðprufa og gerð er mótefnamæling. Getur tekið 2-3 mánuði frá smiti að koma fram í blóðprufu.
Meðferð
Læknisskoðun og mat.
Forvörn:
Hægt er að fyrirbyggja sjúkdóminn með því að fá bólusetningu fyrir lifrarbólgu B.